Гатфарихъай къвайи къати марфарин нетижада тамамдиз цик акатай хуьрерикай сад Хасавюрт райондин Адильотар я. РД-дин Гьукуматдин пресс-къуллугъди хабар гузвайвал, алай вахтунда ина цIийи мектеб эцигиз гатIуннава.
Чешмедин малуматралди, кIвалахар виликамаз тайинарнавай пландал асаслу яз кьиле физва. Мектебдин дарамат эцигунихъ галаз санал гележегдин образованидин цIийи объект жедай мулкарни аваданламишзава. Кьилди къачуртIа, алай вахтунда мектебдин мулкар тирвал элкъвена жугъун туькIуьрдайвал я.
Гьа са вахтунда футболдин майдан патал мулкни къайдадиз гъизва. Объект электричестводалди таъминарунин къайгъуйризни кьетIен фикир гузва. Токдин симер тухудай шалманар акIурна акьалтIарнава.
Пешекаррин, устIаррин къаст сад я: мектеб планда къалурнавай вахтунда ишлемишиз вахкун.
Чи мухбир
