Играми лезгияр!
Алай йисан февралдин вацралай «Лезги газетдин» сайтда онлайн-подписка кардик акатнава. Газетдин цIийи нумра кIелун, «Лезги ктабхана» рубрикадин ва са жерге маса материалрихъ галаз таниш хьун патал онлайн-подписка туькIуьрна кIанзава. И кар гьикI ийида?
Сифте нубатда, «Лезги газетдин» сайтда регистрация авуна кIанзава. Логин (инглис гьарфаралди) туькIуьрайдалай кьулухъ куьне почтадин электронный адрес къейдна кIанзава. Гуьгъуьнлай куь электронный почтадиз ссылка хкведа. Ссылкадин куьмекдалди пароль (куьлег) арадал гъана кIан жеда. И месэлаяр туькIвейдалай кьулухъ куьн сайтда регистрация хьанва лагьайтIа жеда.
Сайтдиз гьахьайла, адан вини кьиле, кьилин чкадал, «Лезги газет» эмблемадин патав онлайн-подпискадикай малумат чапнава. Гьанал илисайла, куьн онлайн-подписка авун патал вуч авуна кIанзаватIа къалурнавай делилар авай «Онлайн-подписка» разделдиз акъатда. Электронный подпискадин къиметар ихьтинбур я: 1 варз патал – 50 манат, йис патал – 300 манат. И жуьредин подписка ийидай пуд жуьре ава. Абурукай гьим куьн патал къулай ятIа, гьам хкягъа
– терминалдин куьмекдалди онлайн-подписка авун (Наличными);
– «Яндекс Деньги» къуллугъдин куьмекдалди (Яндекс Деньги);
– банкдин карточкадикай менфят къачуна (Банковская карта).
Мисал яз, банкдин картадин куьмекдалди онлайн-подписка гьикI туькIуьрзаватIа килигин.
Сифте нубатда, «Банковская карта» кхьенвай къайда хкязава. Гуьгъуьнлай картадин 16 цифрадикай ибарат нумра, гьа нумрадин кIаник квай 4 цифра (VALID/THRU) ва картадин муькуь патал алай 3 цифра къейд ая. Гуьгъуьнлай квез электронный къайдада къалурзавай рекьерал амал ая. Куь телефондиз са сеферда хийир къачудай пароль къалурнавай тел хкведа. И пароль куь компьютердин ва я телефондин экрандал ачух хьанвай дакIарда кхьихь ва «отправить» кхьенвай чкадал илис. Идалай кьулухъ куь почтадиз кьве кагъаз хкведа. Сад лагьайда куьне онлайн-подписка авунвайди тестикьарзавай чек жеда, кьвед лагьайда – куьне «Лезги газетдин» агалнавай разделриз гьахьун патал пул ганвайди къейднавай хабар.
Лагьана кIанда, онлайн-подписка авурла, квевай газетдин цIийи нумрадилай гатIунна сайтда авай вири материалар куь компьютердиз «скачатиз» жеда.
«Лезги газет» кхьиз рикIелай алудмир, играмибур! Онлайн-подписка ийидайла гъавурда акьун тавур месэлаяр хьайитIа, чи газетдин электронный почтадин LezgiGazet@yandex.ru адресдиз кхьихь. Чи къуллугъчиди квез куьмек гуда!
Эгер квез исятда онлайн-подписка ийиз кIанзаватIа, и ссылкадал илис: http://lezgigazet.ru/onlajn-podpiska
«Лезги газет»
