7-майдиз Махачкъалада Имам Шамилан тIварунихъ галай проспектдин (виликан Калининан тIварунихъ галай куьче) 70-нумрадин кIвалера – «Интех-софт» фирмадин дараматда сятдин экуьнин 11-даз лезги чIала авай месэлаяр гьялунал машгъул хьун патал 20-мартдиз ДГПУ-да кьиле тухвай форумдин оргкомитетди арадал гъайи комиссиядин сад лагьай заседание кьиле фида. Анал жуьреба-жуьре хилерай кIвалахдайбурун дестеяр арадал гъунин ва лезги чIалан гафарган цIийи хъувунин месэлаяр веревирдда.
Чна комиссиядин мумкинвал ва ашкъи авай членриз и мярекатдиз атун теклифзава.
РикIел хкин: комиссиядин состав «Лезги газетдин» 16-нумрада чапнай ва адан сиягь тамамди туширди, ам ачухди яз тазвайди, комиссиядик чIал еримлу авуник пай кутаз кIанзавай гьар са касдивай экечIиз жезвайди къейднай. Мукьвара комиссиядин составдик мад са шумуд кас экечI хъувунва. Абурун жергеда Абдулкъадиров Абдулкъадир (Цуругъ), Адилов Билал (Баку), Гуьлалиев Эйваз (Баку), Исмаилов Мевлуьдин (Самур), Мусаев Кичибег (Дербент), Халилов Юсиф (Баку) ава.
Гьуьрметдивди, профессор Руслан Къадимов (нумра — 8928 5699331 )
