Квез чидани?
Листовидка
Шикилдай аквазвай гьашаратрин жуьрейривай чпин рангар, кIалубар набататрин пешериз ухшар ийиз жезва. Гьатта къекъведай вахтундани листовидка гагь са патахъ, гагь муькуь патахъ галтад жеда.
Листовидкаяр Азиядин ва Австралиядин тропикра яшамиш жезва. И гьашаратар асул гьисабдай къати къацу рангунинбур жеда, гьакIни хъипи ва туракь рангаринбурни гьалтзава. Листовидкайрин бязи жуьреяр бедендин къерех тирвал чIулав ва шуьтруь тIехвер алайбур жеда. Им абур пешериз ухшамишзавай алава кьетIенвал я.
Гьашаратар ахтармишзавай пешекарри къейднавайвал, листовидкайрин яргъивал 12,5 сантиметрдив агакьзава. Лувар кватIани, абурувай яргъал мензилдиз лув гуз жезвач. ТIебиатда абуру гзаф вахт пешерал, тарарал ва кул-кусрал акъудда. Абурун асул ем тараринни кул-кусрин пешер я. ТIебиатда листовидкаяр, жуьрейрилай аслу яз, 3-11 вацра кьван яшамиш жезва.
"Лезги газет"