4-августдиз Махачкъалада, Дуствилин кIвале, сентябрдин вацра кьиле фидай сечкийрал санал гуьзчивал тухунин жи­гьетдай кутIуннавай икьрардал къулар чIугуниз талукьарнавай мярекат кьиле фена. Ана РД-дин Общественный­ палатадин, сиясатдин партийрин регионда авай отделенийрин ва жемиятдин тешкилатрин векилри иштиракна.

Икьрардал асаслу яз, сечкийрин вахтунда республикада кардик квай жеми­ятдин са шумуд тешкилатдин векилри сечкийрин участокра кIвалах кьиле физвай гьал чпин гуьзчивилик кутада. И кардин макьсад агьалийри сечкийрин не­т­и­жайриз ихтибар авун артухарун ва сечкияр чеб ачухдиз кьиле фин таъминарун я.

РД-дин Общественный палатадин пред­­седатель Амирхан Мегьамеддадаева­ къейд авурвал, республикада сечкийра се­сер гудай ихтияр авай 1 миллионни 700 агъ­зур кас регистрация авунва. Сечкийрин ко­миссийрин 1726 участок кардик кутада. А. Мегьамеддадаеван гафаралди­, икьрардал къулар чIугунвай тешкилатрин векилрин кьилин везифа сечкияр кьиле­ физвай йикъара гьар са дагъустанвидиз­, са маний­вални авачиз, Конституцияди ганвай ихтия­рар кьилиз акъуддай мумкинвал тешкилун я. 

Чи мухбир