ЦIийи йисан вилик Докъузпара районда кьве куьчеда къир цана акьалтIарна. Ихтилат Усугъчайдин Гьажи Абдурагьимован тIварунихъ галай (900 кв.м.) ва ЦIийи Къаракуьредин Эмирбег-гьажи Велибегован тIварунихъ галай (2500 кв.м.) куьчейрикай физва.
Муниципалитетдин администрациядин пресс-къуллугъди хабар гузвайвал, а куьчейра къир тамамдиз ваъ, абурун бязи паяра цанва. Идалайни гъейри, республикадин метлеб авай шегьре рекьелай Усугъчайдин юкьван мектебдиз физвай рехъни авадан авунва. Гила мектебдизни аялрин бахчадиз физвай вишералди инсанривай къир цанвай куьчеда къекъвез жезва.
Аваданлувилин кIвалахар рекьерин фондунин такьатрихъ тамамарнава. Пудратчи кархана “Райавтодор” тир.
«Лезги газет»
