Дербентви бажарагълу художник Тамара Нахамиевна Мусахановадин яратмишунар, Дагъустанда хьиз, дуьньядин маса уьлквейрани искусстводал рикI алайбуруз таниш я.  Дербентда авай Дуьньядин культурайрин ва динрин тарихдин музейда адан выставка ачухнава.

Къейдна кIанда хьи, Тамара Мусахановадин яратмишунрин алем гзаф терефринди я. Килигдай ксар гьейранардай шикилар чIугунихъ галаз санал ада гьакI скульптурадин, декоративно-прикладной искусстводин хъенчIин ва фаянсдин  эсерар  бажарагълувилелди яратмишнай.

Дербентви руша, Махачкъаладин, Алма-Атадин художественный училищейра ва Моск­вадин художественно-промышленный училищеда чирвилер къачуналди, вичин устадвал артухарна, гзаф йисара хайи Дагъустанда яратмишунрин рекье  бегьерлувилелди зегьмет чIугуна. Дагъустандин искусствойрин ла­йихлу деятель, РСФСР-дин культурадин лайихлу работник, республикадин Гь.ЦIада­садин тIварунихъ галай премиядин сагьиб, Рос­сия­дин ва Израилдин художникринни скульпторрин тешкилатрин член Т.Мусаха­но­­ва­ уьмуьрдин эхиримжи йисара (кьисмет гьахь­тинди хьана) Израилдин Хайфа ше­гьерда­ яшамиш хьана ва гьана 2014-йисуз кучудна­.

Ватанди, хайи ерийри вичин  бажарагълу руш рикIелай алудзавач.  Дербентда адан яратмишунрин нубатдин выставка ачухунни и кардин шагьид я. Выставкада къалурнавай “Зегьмет”, “Сувар”, “Хизан”, “Каспийдин ба­лугъчияр”, “Дагъдин хуьре сувар” ва хей­лин­ маса экспозицияр Дагъустандин,  Дербентдин, уьмуьрдиз талукьбур я.

Нариман Къарибов