И йикъара, Дагъустандин халкьарин­ садвилин йикъаз  бахшна, Кьурагьа­ кьезил атлетикадай кьиле тухвай спорт­дин серенжемда райондин школайра чирвилер къачузвай аялрин 8 командадик кваз 80-далай виниз жаванри иштиракна.

Къейд авун лазим я хьи, районда 2026-йисуз агьалийрин­ арада­ нарокома­ниядин вилик­ пад кьун патал му­ни­ципаль­ный прог­рам­ма­дин сергьятра­ аваз кьиле тухузвай и серенжемда жаванри спортдин са шумуд­ жуьредай, кьилди­ къа­чуртIа, 60 метрдиз, гьакI­ни яргъал мен­зил­риз чукурунай, акъвазай чкадилай яргъал хкадарунай чпин алакьунар къалурна. ИкI, акъажунра КIирийрин школадин-ин­тернатдин – 1, Кьурагьрин 1-нумрадин­ юкьван школадин – 2, Кьурагьрин 2-нумрадин юкьван школадин командаяр 3-чкайриз лайихлу хьана. Гъалибчи командайриз ва абурун тренерриз кубокарни грамотаяр гана. Кьилдин зачетра гъалиб хьайибурни медалар, грамотаяр ва пулдин пишкешар гуналди къейдна.

Рагнеда Рамалданова