22-сентябрдиз РД-дин Кьилин везифа­яр вахтуналди тамамарзавай Фёдор Щукина республикада кардик квай тер­роризмдиз акси комиссиядин ва Оперштабдин саналди тир заседание тухвана. Идакай «Лезги газетдиз» Да­гъус­тандин Кьилин пресс-къуллугъди хабар гана.

Мярекатдал веревирд авур асул мес­эла регионда хатасузвал таъминарунихъ галаз алакъалу тир. Якъин хьайивал, и рекье тухузвай кIвалахдин менфятлувал артухарун патал алава са жерге серенжемар кьабулнава. Кьиле тухванвай ахтармишунрин нетижада кьетIендиз хвена­ кIанзавай кар алай объектар тайинарнава­.

Фёдор Щукина къейд авурвал, сифте нубатда энергетикадин, промышленностдин, транспортдин инфраструктура мумкин тир хаталувилерикай хуьниз иллаки кьетIен фикир гана кIанзава. И сиягьдик гьакIни гьуьлуьн порт ва аэропортни акатзава. Ада гьакIни алава хъувурвал, гьукумдин органри ва маса идарайри кьабулзавай вири серенжемар рес­публикадин къанун-къайда хуьдай органрихъ галаз меслятна кардик кутун герек я.

Гегьеншдиз РД-дин Кьилин сайтдай кIелиз жеда.

Агьмед  Магьмудов