“Лезги газетдиз” Мегьарамдхуьруьн райондин администрациядин пресс-къуллугъди хабар гайивал, и йикъара Бут-Къазмайрин хуьруьн мулкарилай физвай цин турбадай тIекв акъатна. Хуьруьн администрациядин къуллугъчийри чкадин агьалийрихъ галаз санал кьиле тухвай кIвалахрин нетижада цIийи турба кухтуна.
Чешмеди алава хъувурвал, алай вахтунда цин турбада авай давление лап агъузди я. И кар фикирда кьуна, райондин администрацияди хуьрерин агьалийриз яд кьенят авуниз эвер гузва: кIвалерин гьаятра авай кранар ахъаз тун тавун, крандай къвезвай целди багъ-бустандиз яд тагун. Хуьруьн майишатдин игьтияжар патал дигидай яд бес кьадарда ава.
«Лезги газет»
