И йикъара Дагъустандин Кьил Сергей Меликовани Росавиациядин регьбер Александр Нерадькоди Махачкъаладин аэропортунин кIвалах вилик тухуниз талукь са жерге месэлаяр веревирдна.
ТАСС-ди хабар гузвайвал, гуьруьшдин вахтунда къарагъарай месэлайрикай сад Махачкъаладинни Бакудин арада авиаалакъа арадал хкуниз талукьди тир.
Utair («Ютэйр») авиакомпаниядин пресс-къуллугъди хабар гайивал, алатай йисан июндин вацра Азербайжандин авиациядин госкомпания Махачкъаладинни Бакудин арада авиаалакъа давамардай ихтияррикай магьрумна.
Сергей Меликован гафаралди, алай вахтунда Махачкъаладин аэропортуна цIийи авиамаршрутар кардик кутунин месэлаяр гьялзава. Сифте нубатда Бакудихъ галаз авай авиаалакъа арадал хкидайвал я.
Александр Нерадькоди къейд авурвал, алай девирда международный авиамаршрутар кардик кутунихъ еке метлеб ава ва Урусатдин авиациядин гьукум Дагъустандин меркездинни Бакудин арада авай авиаалакъа кьве уьлкведин авиакомпанийризни менфят авай шартIаралди арадал хкиз гьазур я.
Агьмед Магьмудов
