Дагъустанда, университетрин бинедаллаз, инженервилин школа ачухун пландик кутунва. Ана промышленный ва хуьруьн майишатдин, гьакIни логистикадин ва туризмдин хилер­ па­тал пешекарар гьазурда. Идакай­ Россиядин промышленникрин ва карчий­­­рин союздин Дагъус­танда авай отде­ленидин (ДСПП) президентдин вези­фаяр вахтуналди тамамарзавай Па­ти­­мат Гьамидовади транспортдин­  Ке­ферпад-Кьиблепад коридордин рекье  логистикадин центр (хаб) еримлу авунин месэладай идарадин правлениди кьиле тухвай заседанидал хабар гана.

«Чна региондин вузрин бинедаллаз инженервилин школа арадал гъиз башламишда. Чаз техникадин рекьяй  пешекарар лазим я,  гьикI лагьайтIа, чи вилик  промышлен­ностдин, хуьруьн майишатдин хилер виликди­ тухунин месэла ква. Гьелбетда, логист­рин игь­тияжни арадал атанва, иллаки, тран­спорт­дин Кеферпад-Кьиблепад коридор ерим­лу­ авунин кардиз ийизвай харжияр фикирда­ кьурла. ГьакIни, эхиримжи йисара республикадиз къвезвай туристрин кьадар фикирда­ кьурла, чна туризмдин хел патал пеше­ка­рар­ни гьазурна кIанзавайди якъин жезва»­, — лагьана П.Гьамидовади. Адан гафаралди, школа арадал гъунин къарар РФ-дин илимдин ва высший образованидин министерст­водин образованидин организацийрин кIва­лах гуьнгуьна тунин рекьяй департаментдин директордихъ галаз веревирд авурдалай кьулухъ кьабулнава.

Ж. Саидова