“Дагълух мулкар яшайишдинни экономикадин жигьетдай еримлу авун” госпрограммадин сергьятра аваз хуьруьн майишатдал машгъул дагъустанвийривай пуд миллиондив агакьна пулунин такьатар къачуз жеда.

Такьатар къачун патал тIвар кьунвай программадин иштиракчи хьун герек я. Арзаяр РД-дин экономикадин рекьяй вилик тухунин министерстводи алай йисан 24-июндалди кьабулзава. Такьатар чара ийидайбур хкягъунин конкурсда республикадин дагълух чкайра хуьруьн майишатдин кIвалах кьилиз акъудзавай тешкилатривай ва кьилдин карчийривай иштиракиз жеда. Субсидияр ругуд хиляй чара ийизва. Галай-галайвал малуматар министерстводин официальный сайтда чапнава.

«Лезги газет»