“Гринпис”-дин аналитикри къейдзавайвал, Дагъустан Республика ракъинин энергия арадал гъун менфятлу тир регионрикай сад я. И кар СКФО-дин са жерге маса республикайризни талукь я. Абурун арадай яз, Чечнядин, Кабардино-Балкариядин, Карачаево-Черкесиядин, Кьиблепатан Осетиядин ва Ингушетиядин тIварар кьунва.
Ахтармишунра къейдзавайвал, уьлкведин 75 процент регионра гъвечIи ва юкьван карчивиле адетдин электроэнергия маса къачудалди, ракъинин хсуси электростанцияр ишлемишун менфятлу я.
РикIел хкин, алатай йисуз республикада, Южно-Сухокумск шегьерда, ракъинин цIийи электростанция ачухнай. ЦIи ихьтин станция Дербент райондани кардик акатдайвал я.
«Лезги газет»
