Дагъустандин 24 райондин аялрин бахчаяр бицIекриз хайи чIалар чирдай майданриз эл­къведа. Ихьтин къарар­ РД-дин образованидинни илим­дин министерстводи акъуднава.

Бахчайра хайи чIалариз фикир гунин программа кьилиз акъудун патал Ахцегь, БотIлих, Буйнаксдин, Гуниб, Дахадаеван, Докъузпара, Казбек, Къара­будахкент, Къаякент, Къули, Лак, Леваши, Мегьарамдхуьруьн, Новолак, СтIал Сулейманан, Тлярата, Унцукул, ЦIумада, Хунзах, Хив, ЧIарода, Табасаран, Сергокъала ва Акуша районрин 37 бахча тайинарнава.

Къейд ийин, илимдинни методикадин рекьяй муаллимриз А. Тахо-Годидин тIварцIихъ галай Дагъустандин педагогикадин илимдинни ахтармишунрин институтди куьмек гуда. Программадин сергьятра аваз ругуд чIал чирда: авар, дарги, къумукь, лак, лезги ва табасаран. Асул фикир бицIекар хайи чIалал рахунин дережа еримлу авуниз гудайвал я. 

Чи мухбир