Дагъустандин меркездин аэропортуна хьайи агьвалатризни килиг тавуна, рес­публикадиз къведай турист­рин кьадар гзаф хьун вилив хуьзва. РД-дин туризмдин ва халкьарин художественный сеняткар­вилерин рекьяй министр Эмин Мерданован гафаралди, туристар но­ябрдин суварин йикъара къведа. Идакай министрди ТАСС-диз ихтилатна.

«Региондиз туристар атунин месэладиз Махачкъаладин аэропортуна кьиле фейи гьерекатри са жуьредани таъсирдач», - лагьана ада.

Аэропортунин генеральный директор Саид Рамазанова малумарайвал, къайдасузвилер себеб яз акатай вири нукьсанар 2 вацран къене арадай ахкъудда.

"Лезги газет"