КIвалериз чимивал гудай сезондин вахтунда  газдин тадаракар хатасуздаказ ишлемишунин месэла иллаки хцидаказ акъваззава. И месэла датIана   агьалийрин дикъет­дик хьун лазим я, гьикI хьи, мукьвал-мукьвал   бедбахтвилин дуьшуьшар жезва.  

И кар себеб яз, “Газпром межрегионгаз Махачкъала” ООО-ди, Дагъустандин агьалийриз  кIвалера гъили туькIуь­рай, сертификация тавунвай тадаракар ишлемиш тавуниз эвер гузва, гьакIни газдин­ линийрихъ галкIурунин, счетчикар эцигунин (алудунин) кIвалахар  чпи чпиз (пешекарар желб тавуна) тамамарун кьетIи­даказ къадагъа ийизва.

РФ-дин къанунралди, кIвале тайинарнавай газдин тадаракар къайдада аваз хуьн газ ишлемишзавай гьар са агьалидин-иесидин хиве авай мажбурнамайрик акатзава. Муьштериди — кIва­лин иесиди, газдин тадаракрин  хатасуз­ кIвалах  таъминарун патал (газдин тадаракрихъ гелкъуьн патал) и рекье пешекар кар­ханадихъ галаз икьрар кутIунун лазим я.

“Газпром межрегионгаз Махачкъала” ООО-ди тагькимарзавайвал,  яшайишда сертификация тавунвай газдин тадаракар ишлемишуни хейлин  чIуру нетижайрал гъун мумкин я. Статистикади шагьидвалзавайвал,  их­тияр авачиз газдин турбайрихъ цIийибур гал-кIурунин ва газдин тадаракар дуьздаказ ишлемиш тавунин нетижада жезвай бедбахтвилин дуьшуьшрин кьадар йисалай-суз гзаф жезва.  Гзаф ксари, виликдай хьиз, чпин хизанар, къуншияр хаталувилик кутун давамарзава ва,  гъавурда авачиз, кIвалера истемишунриз жаваб тагузвай жуьредин газдин тадакар эцигзава. Идалай тIимил тушир хаталувилик ква гьакIни чпин хсуси кIвалериз, теплицайриз, алишверишдин объектриз  хсуси къуватралди (пешекарар галачиз) газдин ли­нияр  чIугвазвайбур.

Ихьтин крари арадал гъизвай хаталувал фикирда кьуналди, газдин линийрихъ чпи чпиз галкIурай дуьшуьшар тикрар авурла гузвай жаза мадни кIевиди авунва (ФЗ № 229 от 29.07.2018). ИкI, газдин линийрихъ галкIу­ру­нин дуьшуьш тикрар хъувур кас уголовный жавабдарвилиз чIугвазва — ам вини кьил 2 йисал кьван азадвиликай магьрумда.

Газ  ахъа хьунал са жизви шак фенмазди, 04 ва я 104 нумрайрай газдин къуллугъдин  пешекарриз зенг авун лазим я. Газ ишлемишзавай ксаривай  “Газпром межрегионгаз Махачкъала” ООО-дин “Алакъа-центрадин”  нумрадиз — 8-800-200-98-04 — зенг авуртIа же­да. Алишверишдин ва бюджетдин объектар газдалди таъминаруниз талукь икьрар патал лазим  документар кьабулдай “Сад тир пенжердин” нумра  —  8 (8722) 67-32-98.

Жасмина Саидова