Мегьамед-Гьанифа Шайдаеван 100 йис

Сулейман-Стальский райондин Цмуррин хуьре генерал-майор, тарихдин илимрин доктор Мегьамед-Гьанифа Шайдаеван  100 йис тамам хьуниз талукьарнавай шадвилин мярекатар кьиле фена. Анал М-Гь. ­Шайдаевакай рикIел хкунар, тебрикдин келимаяр гваз райондин кьил Нариман Абдулмуталибов, Кьиблепатан округда РД-дин Кьилин тамам ихтиярар ганвай векил Энрик Муслимов, РД-дин Халкьдин Собранидин депутат Гьамидулагь Мегьамедов,  райондин Общественный палатадин председатель Алимет Мейланов, генералар — Гьажикъурбан ва Рагьимхан Шайдаевар, Цмуррин хуьруьн кьил Раида Алибегова рахана.

Юбилейдиз талукьарнавай волейболдин турнирда 1-чка Кьурагь райондин командади, 2, 3 ва 4-чкаяр Сулейман-Стальский райондин, Белиж поселокдин, Хив райондин командайри кьуна. Абуруз пулдин призар, кубокар ва гьуьрметдин грамотаяр гана.

Хазран Кьасумов