РД-дин Гьукуматдин Председатель А.Абдулмуслимова Дагъустандин мулкар 2021-2032-йисара газдалди таъминаруниз талукь программадин къарардал къул чIугунва.
Къейдзавайвал, программадин макьсад гележегда газ тухунин кIвалахрин еришар йигинарун, республикадин мулкар газдалди таъминарунин дережа хкажун, газдалди таъминарун патал шартIар арадал гъун, инженервилин къурулушар еримлу авун я. Программа кьилиз акъудунин жавабдарвал РД-дин энергетикадин ва тарифрин министерстводин хиве ава. ЖКХ-яр газдалди таъминарунин кIвалахриз пулунин такьатар “Хуьрерин чкаяр гегьеншдиз вилик тухун” госпрограмма уьмуьрдиз кечирмишунин ва республикадин инвестицийрин программадин сергьятра аваз чара ийидайвал я.
Къейд ийин, алай вахтунда газдалди таъминарнавай чкайра кьилин турбадилай хсусиятчидин участокдал кьван газдин хел пулсуздаказ тухунин кIвалахар давам жезва. И кар патални хсусиятчийриз МФЦ-дин идарадикай куьмек жеда. Арзачидивай герек тир документарни и идарадай хабар кьаз жеда.
«Лезги газет»
