“Дагъустандин экономика” телеграм-каналди, РД-дин энергетикадин ва тарифрин министерстводин пресс-къуллугъдал асаслу яз хабар гузвайвал, Махачкъаладин гарун электростанция эцигунин кIвалахрив алай йисан гатуз эгечIдайвал я. И объектдин гужлувал 12 МВт-дикай ибарат жеда.
Проектдин къимет 1,5 миллиард манатдиз барабар я. Умуд кутазвайвал, ам кьилиз акъудуни жемят энергиядалди таъминарунин кар ерилу ийида, гьа са вахтунда кIвалахдин чкаярни арадал къведа. Гарун парк (ветропарк) 2024-йисуз кардик кутун фикирдиз къачунва.
Министерстводин делилралди, алай вахтунда уьлкведа виридалайни еке гужлувал авай (315 МВт) гарун парк Дагъустандин Новолак районда эцигзава. Проектдал желбнавай хсуси инвестицийрин кьадар 50 миллиард манатдилай артух я.
Гьазурайди — Муса Агьмедов
