Гад. Ахцегь райондин майишатар магьсулрин бегьер кIватI хъувуниз гьазур жезва. Дугъри я, цIийибур авач, куьгьне комбайнияр, пресс-подборщикар, хуьруьн майишатдин герек маса техника, ремонтна, саки къайдадиз хканва. Авачирди паталай желбун патал кьилдин ксарихъ-механизаторрихъ галаз икьрарар кутIунзава.
Зулун магьсулар цадай чилер ина асул гьисабдай Мегьарамдхуьруьн райондин ЧархикIамун участокда ава. Шаз зулуз Хуьруьгрин (председатель — Девришбегов Девришбег), Луткунрин (председатель — Сулейманов Рамиз) ва Луткунрин “Самурви” СПК-ди (председатель — Къадимов Демир) ана цик квачир 550 гектардин майданра (районда вири 2 100 гектар цадай никIер ава) зулун тумар цана. Герек вахтунда марфар къуникди ва магьсулдаррин гьакъисагъ зегьметдин нетижада, Аллагьдиз шукур, гьар са гектардай 20 центнер ерилу бегьер гуьзетзава (шаз 17-18 центнер хьана). Магьсулдарар гад кIватI хъувунив гъилевай вацран эхирда эгечIда.
Дашдемир Шерифалиев
