Дагъустанда Сергей Меликован теклифдалди, ЧIехи Гъалибвилин сувариз талукьарна, «Гъалибвилин тIаратI» лишандик кваз ватанпересвилин серенжем кьиле тухуз цIи пуд лагьай йис я.

Адан сергьятра аваз, 19-апрелдиз Каспийск шегьердай Гъалибвилин пайдахар гвай улакьрин цIиргъ Пятигорск, Новороссийск, Керчь ва Севастополь шегьерриз рекье гьатна. Мярекатда СВО-дин иштиракчийри, дяведин гьерекатрин ветеранри, жемиятдин векилри иштиракзава. Абуру винидихъ тIварар кьур шегьерра ЧIехи Гъалибвилин 81 йис тамам хьуниз талукьарнавай мярекатрани иштиракдайвал я. Серенжем 24-апрелдиз акьалтIда ва улакьрин цIиргъ элкъвена Дагъустандиз ­хкведа.

Къейд ийин хьи, 2022-йисалай «Гъалибвилин тIаратI» лишандик кваз тухузвай ватанпересвилин и серенжемда 2024-йисуз Кеферпатан Кавказдин вири регионри иштиракнай. Мярекатар Пятигорск шегьерда акьалтIнай. Шаз лагьайтIа, виридалайни чIехи мярекат Волгоград шегьерда «Мамаеван тепедал» кьиле фенай.

«Лезги газет»