Дагъустандин халкьарин садвилин юкъуз – 15-сентябрдиз – республика­дин­ шегьеррани районра хейлин мяре­ка­тар­ кьиле фена. Абурукай сад регион­дин гьукумдин органрин векилрин ара­да ми­ни-футболдай кьиле фейи акъажунар­ я.

«Лезги газетдиз» РД-дин Гьукуматдин пресс-къуллугъди хабар гайивал, турнир­ ачухунин, акъажунрин эхирдай гъалибчийрив шабагьар вахкунин мярекат­ра премь­ер-министр Мегьамед Рамазанова­ иштиракна. Вичин рахунра ада къейд авурвал, садвилин сувар къейдзавай юкъуз гьукумдин векилар футболди сад авуна ва вири са команда – Дагъус­тан тирди тестикьарна.

Акъажунра жуьреба-жуьре министерствойрин, ведомствойрин, управленийрин командайри иштиракна. Майдандал халис женг кьиле физвай. Гьар са командадихъ гъалиб жедай къаст авай. Амма кIвенкIвечи жергейра виридалайни викIегьбур гьатна.

Турнирдин нетижада налогрин къуллугъдин управленидин командади – 1, РД-дин МВД-дин командади – 2, РФ-дин МЧС-дин РД-да авай управленидин командади 3-чкаяр кьуна.

Акъажунриз килигиз атанвайбурун арада Украинада кьиле физвай махсус серенжемдин иштиракчийрин аяларни авай. Абуруз Мегьамед Рамазанова футболдин «Динамо-Махачкала» командадин лишанар алай махсус савкьатар пишкешна. 

Чи мухбир