Зулун сифте кьилер. Инсанри саларай, багъларай дигмиш хьанвай яр-емиш, майваяр кIватI хъийизва, хъуьтIуьз гьазурвилер аквазва. Са гафуналди, къайгъуяр къалин я.

Бегьер агуд хъийидайла, гагь-гагь адетдинди тушир кьадардин, кIалубрин емишар, майваяр, пешер дуьшуьш жеда. ИкI, зи сала чеб чпиз экъечIнавай ракъинин пуд цуьк ава. Абурукай сада вичел фикир желбзава. Адаз кьакьан, яцIу тан ава, фараш еке пешерни (са пешинин яргъивал — 46 см., гьяркьуьвал – 20 см. я). Ракъинин цуькведин (семечкаяр экъечIзавай кIукI) гьяркьуьвили лагьайтIа, 35 см. тешкилзава.

Заз идалай вилик ихьтин кьадардин ракъинин цуьк акурди туш. Белки, масанра ава жеди, амма зи сала сифте яз экъечIнава.

Райсудин Набиев