Дагъустанда къведай йисуз як гьялдай мад са кархана пайда жеда. РД-дин хуьруьн майишатдин ва суьрсетдин министр Мухтарбий Аджекова хабар гайивал, цIийи проект Къизилюрт районда кьилиз акъуддайвал я.

“Дагмясо” ООО проект республикадин хуьруьн майишатдин хиле кар алайбурукай сад я лагьайтIа жеда. Ам кьилиз акъудун патал Къизилюрт райондин мулкарал участок чара авунва. Проектдинни сметадин документар туькIуьрна акьалтIарнава. Абур “Росагролизинг” АО-диз рекье тунва. Проектдин умуми къиметди 1,4 миллиард манат пул тешкилзава. Кархана 2023-йисуз эцигна акьалтIардайвал я”, — хабар гузва ТАСС-ди Мухтарбий Аджекован гафарал асаслу хьана.

Министрди гьакIни къейд авурвал, карханада са сменада ири карч алай — 50, куьлуь карч алай 700 гьайвандин як гьялда.

Чи мухбир