“Зи Дагъустан — шегьердин къулай шартIар” программадин куьмекдалди Кьурагьрин хуьруьн кьилин майдан цIийикIа туькIуьр хъувунин кIвалахрив эгечIнава.
“Лезги газетдиз” муниципалитетдин администрациядин пресс-къуллугъди хабар гайивал, проектдин заказчик Кьурагь райондин администрация, пудратчи кархана “Элитстройгруп” ООО я.
Ремонтдин кIвалахар райондин собранидин депутат Ибадуллагь Гьамидованни администрациядин экономикадин ва эменнидин алакъайрин отделдин начальник Шамил Мусаеван гуьзчивилик ква. ЦIийикIа туькIуьр хъувунин жуьреба-жуьре кIвалахрихъ галаз санал, проектдин сергьятра аваз, аялар патал махсус майданни арадал гъида.
Къейд ийин хьи, ремонтдин кIвалахриз республикадин ва райондин бюджетрай, санлай къачурла, 3 миллион манат пул чара авунва.
«Лезги газет»
