20-мартдиз, лезги чIалаз ва медениятдиз талу­кьар­на, ДГПУ-да кьиле тухвай форумдин оргкомитетди лез­ги чIала авай месэлаяр гьялунал машгъул же­дай комиссия арадал гъидай къарар кьабулнавайдакай чна газетдин вилик квай нумрайра хабар ганай. Вичин нубатда цIийиз арадал гъанвай комиссияди лезгийрин милли гимндин чIалар ва гьава арадал гъуниз, лезги алфавит дуьзгуьнаруниз­ ва лезги чIалан орфографиядин гафарган цIийикIа туьх­кIуьр хъувуниз, лезги чIалан лексикадинни грамматикадин месэлайриз, лезги чIалан стилистикадин месэлайриз, милли культурадиз талукь яз кIвалахдай­бурун дестеяр арадал гъида.

Агъадихъ чна комиссиядин состав чапзава. Къейд ийин хьи, и сиягь тамамди туш ва ам ачухди яз тазва. Яни лезги чIал, культура еримлу авунин кар­дик жуван пай кутаз, и рекьяй теклифар гуз кIан­завай гьар са касдиз комиссиядин составдик экечI­дай мумкинвал ава.

Комиссиядин  состав:

1. Абдулмуталибов Нариман — филологиядин илимрин кандидат, ДГУ-дин доцент;
2. Агьмедов Муса — “Лезги газетдин” кьилин ­редактордин заместитель, “Къурушрин сес” газетдин кьилин редактор;
3. Азиз Алем — шаир;
4. Акимов Къурбан — филологиядин илимрин док­тор­;
5. Арбен Къардаш — Дагъустандин халкьдин шаир;
6. Асланханова Гуьлбес — филологиядин илимрин кандидат;
7. Ашурагъаев Абдул — Хив райондин ЦIийи Фригърин юкьван мектебдин лезги чIалан муаллим;
8. Бабаханов Майрудин — шаир, Сулейман-Стальский райондин культурадин управленидин начальник;
9. Гьажимурадов Абдулашим — Мегьарамдхуьруьн райондин Муьгъверганрин юкьван мектебдин лезги чIалан муаллим;
10. Гъаниева Фаида — филологиядин илимрин доктор;
11. Ибрагьимов Мегьамед — “Лезги газетдин” кьилин редактор;
12. Исмаилов Абдуселим — Дагъустандин халкьдин писатель;
13. Къадимов Мариф — физикадинни математикадин илимрин кандидат;
14. Къадимов Руслан — филологиядин илимрин доктор;
15. Керимова Седакъет — “Самур” газетдин кьилин редактор;
16. Къазиев Гьажи — Хасавюрт райондин Къуруш­рин хуьруьн юкьван мектебдин лезги чIалан муаллим­;
17. Къурбаналиев Камран — “Алам” журналдин кьилин редактор;
18. Магьамдаров Шамсудин — Сулейман-Стальский райондин Герейханован хуьруьн юкьван мектебдин лезги чIалан муаллим;
19. Мегьамедов Гьамидуллагь — филологиядин илимрин доктор;
20. Мейланова Жаклина — филологиядин илимрин кандидат;
21. Меликмамедов Муьзеффер — филологиядин илимрин кандидат;
22. Мирзабегов Азиз — филологиядин илимрин кандидат;
23. Мирзоев Шайдабег — педагогикадин илимрин кандидат;
24. Нагъиев Фейзудин — филологиядин илимрин доктор;
25. Насрединов Фахрудин — Мегьарамдхуьруьн М.Гьажиеван тIварунихъ галай юкьван мектебдин лезги чIалан муаллим;
26. Рашидов Агъаверди — филологиядин илимрин кандидат;
27. Рамазанова Наира — “Дагъустан” ГТРК-да лезги чIалал эфирдиз акъатзавай передачайрин старший редактор;
28. Самедов Абдула — Кьурагьрин хуьруьн юкьван мектебдин лезги чIалан муаллим;
29. Ферзалиев Куругъли — Докъузпара райондин Къалажухрин хуьруьн юкьван мектебдин лезги чIа­лан муаллим;
30. Эфендиев Исрафил — филологиядин илимрин доктор;
31. Юзбегова Саимат — филологиядин илимрин кандидат;
32. Яралиев Ярали — химиядин илимрин доктор­, тарихчи.

 Гьуьрметдивди, профессор  Руслан  Къадимов  (нумра —  8928 569 93 31 )