И йикъара Кьурагь райондин КIирийрин хуьруьн школа-интернатда, Россиядин Игит Зейнудин Батманован экуь къаматдиз ва Ватандин ЧIехи дяведа Гъалибвал къазанмишна 80 йис тамам хьуниз бахшна, ветеранрин командайрин арада волейболдай районрин уртах турнир кьиле тухвана.
Хъсан тешкиллувал аваз ва къизгъиндаказ кьиле фейи къугъунрин нетижада Кьурагь райондин команда — 1, «Герейханован совхоздин» (СтIал Сулейманан район) — 2 ва Мегьарамдхуьруьн райондин команда 3-чкайриз лайихлу хьана. Командайриз кубокар, медалар ва грамотаяр гана. Виридалайни хъсандиз къугъвайбур З. Батманован стха Загьидин Батманова пулдин пишкешар гуналди къейдна.
Чи мухбир
