2023-йисуз федеральный дережадин «Формирование комфортной городской среды» программадин сергьятра аваз авадан ийидай паркар, скверар хягъун патал онлайн-къайдада малумарай Вирироссиядин сечкийра 78 агъзур дагъустанвиди иштиракнава.
Идакай къе, 25-майдиз, «Дагъустан» РИА-дин майдандал кьиле фейи конференциядал РД-дин эцигунрин, архитектурадин ва ЖКХ-дин министр Арсут Сулейманова хабар гана.
Къейд ийин хьи, сесер гуз 15-апрелдилай гатIуннава ва и кар 30-майдалди давам жеда.
Сечкийра иштиракиз кIанзавай гьар са касдивай сес гудай объект и чинай ва я жемят гзаф кIватI жедай чкайра кIвалах кьиле тухузвай волонтеррин куьмекдалди хкягъиз жеда.
Лагьана кIанда, сесергузвай объектар республикадин 9 шегьердин мулкарал алайбур я. Абурун кьадарди санлай къачурла 72 тешкилзава.
2023-йисуз авадан авун патал абурукай 25 объект хкядайвал я.
Гегьеншдиз «Дагъустан» РИА-дин сайтдай кIелиз жеда.
«Лезги газет»