150 йис къейдда
Къведай йисуз Дагъустандин халкьдин шаир ЦIадаса Гьамзат дидедиз хьайидалай инихъ 150 йис тамам жезва. Лишанлу вакъиа вини дережада аваз къейд авун патал РД-дин Кьил Фёдор Щукинан тапшуругъдалди республикада тешкиллувилин комитет арадал гъанва. Адан вилик эцигнавай кьилин месэла Дагъларин уьлкведин машгьур шаирдин юбилейдиз талукь яз кьиле тухудай мярекатрин план гьазурун ва тестикьарун я.
ЦIадаса Гьамзат Кавказда сифте яз басняяр кхьей писатель ва авар халкьдин сад лагьай драматург яз гьисабзава. Вичин эсерра сатирикди дагъвияр цIийи уьмуьрдихъ финин тереф хуьзвай, азадвилихъ, яшайишдин гьахълувилихъ эвер гузвай.
Къейд ийин хьи, Гьамзат ЦIадасани XX асирдин Гомер СтIал Сулейман еке дустар тир. 1934-йисуз абуруз кьведазни санал Дагъустандин халкьдин шаир лагьай тIвар ганай. СтIал Сулейманан кьиникь адан дустуни еке хажалатдивди кьабулнай ва адан экуь къаматдиз шиирарни бахшнай.
Ленинан ва Зегьметдин Яру Пайдах орденрин, Сталинан премиядин сагьиб ЦIадаса Гьамзатан юбилей гегьеншдиз къейд авун Дагъларин уьлкведин эдебиятдин уьмуьрда лишанлу вакъиадиз элкъведа.
"Лезги газет"