Мектебра тарсарин арада ял ядай вахт 10 декьикьадилай тIимил тахьун­ лазим я, чIехи танафус лагьайтIа (кьвед ва я пуд лагьай тарсунилай кьулухъ)­ 20-30 декьикьа хьана кIанда. 

Ихьтин меслятдикай РФ-дин просвещенидин  методикайриз талукь документда лагьанва. Гьа са вахтунда документда къейднавайвал, чIехи са танафусдин чкадал  гьар сад 20 декьикьада давам жедай кьве танафус – кьвед ва пуд лагьай тарсарилай кьулухъ – тайинардай ихтияр ава. Кьилин фикир ам я хьи, ял ядай вахт  аялри тамамдаказ тIуьн недалди давам хьана кIанда. Гьаниз килигна, танафусдин яргъивал тайинардайла, школайрин регьберри чпин мектебрин  столовойра авай шартIар (абур вири аялриз къуллугъ ийиз агакьдани, агакьдачни) гьисаба кьуна кIанда.

Саида Мурадова