Къуват ава чахъ!

Багьа я чаз Ватанни къул,

Зайифвалдач, агъуздач кIул,

Кьил хкажай душмандин хур

Ядай къуват ава чахъ!

Урусатдин гьар са аскер

Игитар я хуьзвай сенгер,

Миллетчияр - чIулав пехъер

Тергдай къуват ава чахъ!

Рейхстагдал яру пайдах

Хкажайбур я чи дамах,

Гитлер хьтин гьар са алчах

Магълубдай къуват ава чахъ!

Ватан хуьдай гьар са эркек,

Къагьриманар я чаз герек,

Путин кьиле авай зирек

Армия - къуват ава чахъ!

Чаз герек туш дявени къал,

Амма хайи макан патал,

Гьар са душман чрадай цIал

Яракьни къуват ава чахъ!

"Лезги газетдин" 2022-йисан 23-нумрадай.