1-сентябрдилай республикадин образованидин къурулуш вилик финин цIийи дережадал элячIда: тербия гунин рекьяй меслятчийрин къуллугъар региондин 100 процент школайра таъминарда. Идакай РД-дин образованидин ва илимдин министр Ягья Бучаева «Сад лагьайбурун гьерекатдин» месэлайрай кьиле тухвай совещанидал хабар гана.
Алай вахтунда Дагъустанда ихьтин 520 пешекарди кIвалахзава, абуру 478 мектеб ва 34 колледж таъминарзава. Министрди къейд авурвал, меслятчийри, са шумуд агъзур муаллимдикай ибарат тир классрин руководителрихъ галаз алакъада аваз, жегьилри дуьнья кьатIунунин тегьер арадал гъунин карда важиблу роль къугъвазва.
Мектебрин тербиячийрин (насигьатчийрин) кIвалахдин алай йисан программадик кар алай тахминан 180 вакъиа ква. Ватанпересвилин месэлайрай тир и мярекатар, слетар уьмуьрдиз кечирмишунин кIвалахдал ветеранар ва военный махсус серенжемдин иштиракчияр желбда.
Жасмина Саидова
