Гьар са йис тарихда гьатдайла, адет яз, суалар къведа: алатай йиса чи рикIера гьихьтин гел туна, амай йисарилай ам квелди тафаватлу хьана? 2025-йис, санлай къачурла, регьятди хьаначтIани, чи халкьдин кьегьал рухвайри спортдин кесерлу майданра чпин гьунарар лайихлудаказ къалурна.
Идакай чна йисан кьиляй-кьилиз гайи муштулухри, руьгь хкажай макъалайри шагьидвалзава. Лезги халкьдин тIвар машгьурзавай гьар са кьегьалдиз чна сагърай, аферин лугьузва. Алукьнавай цIийи йисуз абурухъ мадни зурба агалкьунар хьун чи мурад я. И рекье авай жаванриз чна, четинвилериз килиг тавуна, анжах виликди финиз эвер гузва. Къуй виридан кьилел экуь рагъ, дуьнья ислягь хьурай! Гьуьндуьр дережайриз акъатдай спортсменрин жергеяр — мадни къалин!
Нубатдин сеферда «Лезги газетдин» версиядалди чи халкьдин векилрикай 2025-йисан виридалайни хъсан цIуд спортсмен хкянава. И сиягьдик чна спортдин кесерлу майданра хъсан нетижаяр къазанмишнавай спортсменар кутунва. Ингье абур:
