Дагъустандин гьукумдин органри, муниципалитетри, жемиятдин тешкилатри, жуьреба-жуьре фондари СВО-дин иштиракчияр, ветеранар, абурун хизанар гуьзчивиликай хкудзавач, абурув тайин куьмек агакьарзава.

РД-дин Гьукуматдин Председателдин заместитель Абдурагьман Магьмудова къейд авурвал, респуб­ликадин зегьметдин ва яшайишдин рекьяй вилик финин министерстводай гьар вацра­ дяведин махсус серенжемдин 7,2 агъзур иштиракчидив ва абурун хизанрив тайин куьмек агакьзава. СВО-дин 441 иштиракчидихъ ва абурун хизанрин 976 векилдихъ галаз яшайишдин икьрар ку­тIуннава. 506 касдиз цIийи пеше къачудай мумкинвал гана. 204 ветерандиз психологиядин рекьяй куьмекна. 64 иштиракчидиз карчивилел машгъул жедай шартIар тешкилна. СВО-дин иштиракчийрин месэлаяр­ гьялун патал 1,1 агъзур документ туьк­Iуьрна.

Бедендиз хасаратвал хьанвай, сагъламвилин сергьятар гуьтIуь тир ветеранар кIвалахдалди таъминаруниз кьетIен фикир гузва­. И кардал региондин маса ведомствояр, карханаяр желбзава. СВО-дин инвалидар кIвалахдалди таъминарай карханайрив абуруз харжзавай пуларин эвез вахкудай шартIарни тешкилзава. И жигьетдай «Дагдизель» заводдин дирекциядихъ хъсан тежриба хьанва. 

"Лезги газет"