И мукьвара Эквадордин Гуаякиль­ шегьерда дзюдодай дуьньядин кIвен­кIвечивал патал 18 йисал къведалди­ яшара авай жегьилрин арада кьиле фейи акъажунра чи ватанэгьли Абдулла Рамазанова 90 кг-дин заланвал авайбурун арада гимишдин медаль къазанмишна.

Малум хьайивал, финалдиз акъатдалди, А. Рамазанова Словениядай, Босниядай ва Герцеговинадай, Болгариядай, Узбекистандай тир пагьливанрихъ галаз кьиле фейи бягьсера инанмишвилелди гъалибвал къазанмишна. Къазахстандай тир спортсмендихъ галаз финалдин бягьсина ам кумукьна, нетижада чи ватанэгьли гимишдин медалдиз лайихлу хьана.

РикIел хкин, «Дербент» спортшколада вичин устадвал хкажзавай А. Рамазанова дуьньядин кIвенкIвечивал патал акъажунра Россиядин хкянавай командадик кваз иштиракна.

Рагнеда  Рамалданова