Махачкъалада Е.Исинбаевадин тIварунихъ галай стандиондал Кавказдин халкьарин культурадин ва спортдин фестивалдин республикадин этап кьиле фена. Ана районра кьиле фейи хкягъунин къугъунра тафаватлу хьайи спортсменри иштиракна.
Фестивалдин иштиракчияр тебрикиз, Дагъустан Республикадин спортдин ва физический культурадин министрдин везифаяр тамамарзавай Мегьамед Мегьамедов атанвай. Ада жегьилрик руьгь кутадай рахунар авуна ва республикадин дережадин фестивалда тафаватлу хьайи спортсменри 4-5-октябрдиз Грозный шегьерда кьиле фидай и мярекатрин эхиримжи паюна Дагъустандин патай векилвалдайди къейдна.
Анал рахай республикадин кьезил атлетикадин федерациядин президент Омар Муртазалиевани иштиракчийриз, кьиле РД-дин спортдин ва физический культурадин министерство аваз, вири тешкилатчийриз сагърай лагьана.
Гьазурайди — Дагъви Шериф
