Улакьриз талукь месэла
РД-дин Кьилин везифаяр вахтуналди тамамарзавай Ф. Щукина 25-августдиз РФ-дин транспортдин министрдин заместитель Валентин Ивановахъ галаз гуьруьш кьиле тухвана. Абуру регионда улакьриз талукь къурулуш еримлу авунин месэла веревирдна.
В. Иванов государстводин сергьятдал алай пунктарин кIвалахрихъ галаз таниш хьана, гьакIни ам Махачкъаладин портуниз ва аэропортуниз фена.
Малум хьайивал, Махачкъаладинни Каспийскдин арада электричка кардик кутун патал цIийи хилер тешкилунин мумкинвилеризни килигна. Идалайни гъейри, регионда жемиятдин улакьар цIийи хъувуникай ихтилатна.
«Дербентдихъ ва масанрихъ физвай ракьун рекьер еримлу авунин жигьетдай региондин патай теклифар атанва. Важиблу проект я, за фикирзавайвал, шегьеррин арада авай алакъа инсанар патал гьакъикъатдани къулайди, хатасузди авунин месэла умуми къуватралди гьялдай мумкинвал жагъуриз жеда», – лагьана РФ-дин транспортдин министрдин заместителди.
Ф. Щукина куьмекар гунай Россиядин транспортдин министерстводин кьиле авайбуруз чухсагъул малумарна.
Гуьруьшдикай гегьеншдиз РД-дин Кьилин сайтдай кIелиз жеда.
Чи мухбир