ЦIийи ктабхана
Дагъустандин халкьдин шаир СтIал Сулейманан хайи хуьре – Агъа СтIалдал – цIийи ктабхана ачухнава, – хабар гузва райондин администрациядин пресс-къуллугъди. Ам ачухунин теклиф гайиди хуьруьн администрациядин кьил Надыр Эфендиев я. Медениятдин цIийи макан меценатрин куьмекдалди кардик кутунва.
Хуьруьн ктабхана фадлай бегьем шартIарни авачир куьгьне дараматда авай. Гила лагьайтIа, кIелдайбур патал Агъа СтIалдал вири къулайвилер тешкилнава.
Ктабханадин дезгейрал гьар жуьредин литература ала: классикадин гьикаятдилай, шииратдилай гатIунна аялрин энциклопедийрал къведалди. Ашкъи авай гьар са касдиз цIийи ктабханадин ракIарар ахъа я.
Чи мухбир