19-20-июндиз Сулейман-Стальский райондин спортдин, туризмдин ва жегьилрин крарин рекьяй комитетди ДЮСШ-дихъ галаз санал 2002-2004-йисара дидедиз хьайи жегьилрин арада Ватандин Чlехи дяведин иштиракчи Азим Алимов рикlел хкуниз талукьарна дзюдодай республикадин ачух турнир кьиле фена.
Сардархуьруьн спортзалда кьиле фейи турнирда 117 спортсменди иштиракна. Республикадин шегьерринни районрин хкягъай 13 дестеди чпин алакьунар къалурна. Умуми командайрин арада 1-чка Сулейман-Стальский районди, 2-чка Махачкъалади, 3-чка Дербентди кьуна.
Гъалибчиярни агалкьунар хьайибур кубокралди, медалралди ва грамотайралди къейдна.
«Лезги газет»
