США-ди Россиядин са жерге карчияр санкцийрин сиягьдик кутунва. Идакай Америкадин Минфиндин сайтди хабар гузва. Сергьят эцигнавай серенжемар Олег Дерипаскдиз, Игорь Ротенбергаз, Виктор Вексельбергаз, Федерациядин Советдин член Сулейман Керимоваз, Владислав Резниказ, Андрей Скочаз ва Госдумадин депутат тир карчи Кирилл Шамаловаз  талукь я.

Сиягьдик «Газпром» госкомпаниядин кьил Алексей Миллер, «Сургутнефтегаздин» генеральный директор ва адан сагьибрикай сад тир Владимир Богданов, «Газпромбанкдин» председатель Андрей Акимов, «Зенит» футболдин клубдин президент Сергей Фурсенко, банкир ва финансист, ВТБ-дин президент-векил Андрей Костин акатнава. Кьилдин ксарилай гъейри, санкцияр са жерге компанийризни талукьарнава.

«Лезги газет»