Къе чи машгьур ватанэгьли, вири Дагъустандин дамах, сенатор, Дагъларин уьлкведин кьегьал хва Сулейман Керимован 60 йис тамам хьанва.
И касдиз, сифте нубатда, чIехи жумартвал, захавал хас я. Ада вичин хайи республикадиз ганвай кьван куьмекар фикирда кьуртIа, Сулейман Керимоваз лайихлувилелди Дагъустандин дамах лугьуз жеда. ГьакI лугьунни ийизва – вири миллетри!
Яшайишдин гьи хел къачуртIани, и кьегьал хци абур вилик финик вичин пай кутунва. Хейлин мусурманриз (неинки са Дагъустандай) гьаждал фидай, чпин ферз кьилиз акъуддай мумкинвал гана Сулейман Керимова. И суваб авай кар гьар йисуз давам жезва.
Са гафуналди, чи машгьур ватанэгьлиди авунвай кьван къени крар гьисабдиз къачуз хьайитIа, тамам ктабар кхьиз жеда. Къуй вичелай Аллагь рази хьурай ва вичин берекатар мадни артух хьурай!
60 йис уьмуьр чагъинда авай чIав я. Хейлин крар, месэлаяр, дердияр гьеле вилик кума. Къуй Сад Аллагьди Сулейман Абусаидовичаз абур вири кьилиз акъудун патал чандин сагъвални яргъи уьмуьр гурай!
«Лезги газетдин» редакциядин коллективди Сулейман Абусаидовичаз хайи югъ мубаракзава ва адахъ гьар са камуна агалкьунар, сагъвал, хушбахтвал хьана кIанзава.
