14-августдиз Смугъулрин хуьруьн администрациядин дарамат ачухунин мярекат кьиле фена. Гьеле алатай асирда, 1960-йисуз эцигна, пис гьалдиз атанвай ана хуьруьн администрациядихъ галаз санал почтадин алакъадин (ОПС) ва фельд­шервилинни акушервилин (ФАП) пунктарни яргъал йисара дарискъалвиле кардик квай. Гуьгъуьнлай ФАП патал СанПиН-дин истемишунрив кьур кьилдин дарамат эцигайдалай кьулухъ хуьруьн муькуь кьве идара куьгьне чкада амукьна.

2025-йисуз Ахцегь райондин кьил Абдул-Керим Палчаеван къарардалди дарамат бинедилай  ремонтун патал гьукуматдин тулкI-савдадин нетижада рес­публикадин ООО «Строитель СС» карханадихъ галаз 4 132 890 манатдин икьрар кутIунна.

УстIарри дарамат гегьеншарна, къавар цIийи хъувуна, рак-пенжер, электропроводка дегишна, чиле ламинат ва керамикадин плиткаяр туна, чимивал гудай цIийи къурулуш тухвана, цIийи кьилелай сувагъар ва ширер хъияна ва икI мад.

Дагъдин хуьрел абур гъанвай гуьзел дарамат ачухунин мярекатда Ахцегь райондин депутатрин соб­ра­нидин председатель Гь. Парпачева (ада вичин ва А.-К. Палчаеван патай смугъулвийриз цIийи дарамат­ ачухун­ мубаракна), Смугъулрин СП-дин кьил А. Мегь­дие­ва, рай­­ондин культурадин управленидин начальник­             Къ. Гъа­ниевади, хуьруьн майишатдин отдел­дин на­чаль­­ник­ Л. Атлуева, школадин директор С. Назарова, и цIа­ра­рин­ авторди ва хуьруьн агьалийрини мугьманри иштиракна. Шадвилин мярекат РУК-дин къуллугъчи манидар С. Сефиханова манийралди гурлу авуна.

Чи  мухбир