Алатай гьафтеда Кьурагьрин хуьруьн спортдин дараматда, сив хуьнин сувариз бахшна, райондин гьевескар командайрин арада волейболдай турнир кьиле тухвана. Идакай чаз райадминистрациядин пресс-къуллугъди хабар гана.
ИкI, са шумуд командадик кваз чпин устадвал къалурай ксари кIватI хьанвайбуруз яргъалди рикIел аламукьдай легьзеяр багъишна. Къизгъин къугъунрин нетижада «Леки» команда 1-чкадиз лайихлу хьана. «Каспийскди» — 2, «Аутсайдер» командади 3-чкаяр кьуна. Абуруз талукь тир дережайрин медалар, грамотаяр ва спортдин пишкешар гана. «Леки» командадиз — гуьрчег Кубокни. Турнирда виридалайни хъсандиз къугъвай ксар, гьакI судьяйрин коллегиядин членарни пулдин ва рикIел аламукьдай пишкешар гуналди къейдна.
Рагнеда Рамалданова
