19-июндиз Сулейман-Стальский райондин Зизикрин хуьруьн ктабханада «Лезги халкьдин къагьриманвилин «Шарвили» эпосдин метлеб» тlвар алай эдебиятдин мярекат кьиле фена.

Алай йисан 30-июндиз Ахцегьа кьиле фидай «Шарвили» эпосдин суварин сергьятра аваз тешкилай мярекатда ктабханадиз къвезвай агьалийри, Нуьцlуьгърин СОШ-да кlелзавай аялри иштиракна.

Ктабханадин заведующий Гуьлше Мегьамедовади кlватl хьанвайбуруз мярекатдин макьсадрикай, «Шарвили» эпосдикай куьрелди ихтилатна.

Ада къейд авурвал, «Шарвили» эпосдин республикадин сувар йисалай-суз гурлудаказ кьиле физва. Мярекатдин вахтунда иштиракчийрин арада веревирдерни кьиле фена. Аялри ашкъидивди суалар гана, жавабрихъ яб акална, чин тийизвай малуматар чирна…

Аялри «Лезгияр», «Шарвили», «Ахцегьар» шиирарни кlелна.

«Лезги газет»