Къуръандин 5-сурадин 8-аятдин «тафсир»:

 Эй иман гъанвайбур, Аллагьдихъ ва Адан расул Мугьаммадахъ (Аллагьдин салават ва салам хьуй вичиз) инанмиш хьухь куьн, Гьахъ мягькемдиз кьиле тухуз­вайбур, Аллагь патал (Адан разивал тIалабиз), адалатлувилелди шагьидвалзавайбур! Къуй куьн гьич гьевеслу тавурай квез са (бязи) ксар гзаф такIан хьунин карди куьне адалатлувал тавунал (абуруз адалатсузвал авунал), адалатлувал ая (куьне) душманрин ва кIани дустарин арада сад хьиз, дугъриданни, а адалатлувал Аллагьдихъай кичIе хьуниз мадни мукьва я, мукъаят хьухь зулум авуникай! Гьакъикъатда, Аллагьдиз куьне ийиз­вай крарикай (вири) хабар ава ва квез (Ада) абурай эвезни хгуда!

 «Регьят тафсир» ктаб, араб чIалай таржума авурди – 

диндин алим Ямин гьажи Луткунви.