И йикъара ДГТУ-дин ректор Назим Баламирзоев РФ-дин оборонадин министерстводин «Адмирал флота Советского Союза С.Г. Горшков» медалдиз лайихлу хьана. Идакай «Лезги газетдиз» вуздин пресс-къуллугъди хабар гана.

Къейд ийин хьи, ДГТУ-ди уьлкведин оборонадинни промышленностдин комплекс патал важиблу хилер вилик ту­хузва: БПЛА-яр идара ийидай къурулушар, алакъадин масабурувай яб гуз тежедай­ къаналар, искусственный интеллект. И карда ректордин теклифдалди арадал­ гъанвай военный учебный центради кьетIен чка кьазва.

ДГТУ-дин инженеррин мектебдин кIва­­лах гьукуматдин кьилин стандартрив кьазва. Ина кардик квай учебный центради, гьуьлерин дяведин флот патал пешекарар гьазурунилай гъейри, университетдин инженеррин мектеб милли хатасузвилин месэлайрихъ галаз сад авун таъминарзава.

Ректордиз ганвай шабагьни вузди уьл­кведин оборонадинни промышленностдин комплекс мягькемаруник кутунвай пай нубатдин сеферда къейд авун я. 

Агьмед Магьмудов