И йикъара Каспийскда, азаддаказ кьуршахар кьунай дуьньядин 5 сеферда чемпион Али Алиеван экуь къаматдиз бахшна, спортдин и жуьредай кьиле тухвай международный 54-турнир акьалтIна.
Чи машгьур спортсмен Рамазан Ферзалиев 65 кг-дал къведалди заланвал авайбурун арада буьруьнждин медалдиз лайихлу хьана.
ИкI, А. Алиеван тIварунихъ галай спортдин имаратда кьиле фейи акъажунра Россиядин са кьадар регионрин, къунши республикайрин хьиз, дуьньядин 10-далай виниз уьлквейрин, гьа гьисабдай яз Грециядин, Сербиядин, Азербайжандин 300-далай гзаф спортсменри, гьасиррал къизгъин бягьсер кьиле тухуналди, чпин устадвал къалурна. Дугъриданни, спортдин и жуьредал рикI алай ксариз, тамашачийриз халис сувар багъишна.
Рагнеда Рамалданова
