И йикъара Каспийскда, Къ. Къурамегьамедован тIварунихъ галай физкультурадинни сагъламвал мягькемар­дай­ центрада, джиу-джитсудай («Не-­ва­за» жуьре) Дагъустандин Кубок патал акъажунар кьиле фена. Ана республикадин са шумуд шегьердай ва райондай атанвай спортдин и жуьредал машгъул жезвай жаванри чпин алакьунар къа­лурна­.

Къизгъиндаказ кьиле­ фейи­ бягьсери къалурай­вал, Ахцегь­ райондин 2-нумрадин ДЮСШ-дин командадик кваз ана иштиракай, «EKBEROV TEAM» клубда  машгьур тренер Эйнар Экберован гъилик­ вердишвилер къачуз­вай же­гьил­ри хъсан нетижаяр къазанмишна. Командайрин арада абуру 3-чка кьуна. Кьилди къачуртIа, Элгьам Къанберов (66 кг), Къазиагьмед Гьажиев (81 кг-дилай виниз), Гьажи Лачинов (55 кг), Умар Мегьамедэминов (38 кг) ва Рамир Таибов (60 кг) — 1, Ренат Нурагьмедов (55 кг) ва Мугьаммад Ильясов — 2, Хийирбег Абдулазизов (69 кг) 3-чкайриз лайихлу хьана.

Рагнеда Рамалданова