Вири чlалара хьиз, лезги чlалани палиндромар ава. Грек чlалай атанвай палиндром гаф, чи чlалаз таржума авурла, “кьулухъди чукурун” лагьай чlал жезва. Чапла патахъайни, эрчlи патахъайни сад хьиз кlелиз жедай гафуниз, ибарадиз ва я предложенидиз палиндром лугьуда. Месела: такьат-такьат, тlунутl-тlунутl, хех-хех ва икl мадни. “Ша, ава Али гила, ава аш” — и предложение “А роза упала на лапу Азора” хьиз, чапла патахъай эрчlи патахъни, эрчlи патахъай чапла патахъни сад хьиз кlелиз жезва.
Фикир гайитlа, чи чlала абурун кьадар лап гзаф жеда. Агъадихъ са шумуд мисал гъизва.
А малар алама — а малар алама.
Ава дуст, суд ава — ава дуст суд ава.
Виш шив — виш шив.
Дад — дад.
Дар рад — дар рад.
Кьама макь — кьама макь.
Кlакl — кlакl.
Кlул еке лукl — кlул еке лукl.
Мирим — Мирим.
Нарат таран — нарат таран.
Рапар — рапар.
Саки ири и кас — саки ири и кас.
Тlаратl — тlаратl.
Тlунутl — тlунутl.
Такьат — такьат.
Чи ич — чи ич.
Гьазурайди — Куругъли Ферзалиев
_________________________________________________________________________
ТуькIуьр хъувун
“Лезги газетдин” алай йисан 32-нумрадин 12-чина чапнавай “Итижлу делилар” макъалада а чин гьазурайда кьве гъалатIдиз рехъ ганва. Сад лагьайди, шейх Жунейдан гьужумрикай рахазвай къейдина ихтилат физвай хуьруьн тIвар “Хазра” ваъ, “Яргъун” я. Кьвед лагьайди, Гьажи Давуд Муьшкуьрвидикай гьазурнавай къейдина “XVIII асирдин” кхьена кIанзавай чкадал “XVII асирдин” кхьенва.
Чна газет кIелзавайбурувай гъил къачун тIалабзава.
